Զինդոլին

Զինդոլին դեղամիջոցի ազդող նյութը ցիպրոֆլօքսացինն է։ Ցիպրոֆլօքսացինը ֆտորքինոլոնների խմբի հակաբիոտիկ է։ Ցիպրոֆլօքսացինը սպանում է վարակներ առաջացնող մանրէները։ Այն ազդում է մանրէների միայն որոշակի շտամների վրա։

Ազդող նյութ է հանդիսանում ցիպրոֆլօքսացինի հիդրոքլորիդը։ Օժանդակ բաղադրիչներն են՝ մանրաբյուրեղային անջուր ցելյուլոզա, պովիդոն, նատրիումի օսլայի գլիկոլատ (տիպ Ա), մագնեզիումի ստեարատ, տալկ, սիլիցիումի անջուր կոլոիդ երկօքսիդ, հիպրոմելոզա, մակրոգոլ 400, տիտանի երկօքսիդ, էթանոլ (96%), զտած ջուր

Մեծահասակներ Զինդոլինն օգտագործվում է մեծահասակների մոտ հետևյալ բակտերիալ վարակների բուժման համար. շնչառական ուղիների վարակներ, ականջի կամ ծոցերի երկարատև կամ կրկնվող վարակներ միզուղիների վարակներ, կանանց և տղամարդկանց սեռական օրգանների վարակներ, ստամոքսաղիքային ուղու և ներորովայնային վարակներ, մաշկի և փափուկ հյուսվածքների վարակներ, ոսկրերի և հոդերի վարակներ, Neisseria meningitides բակտերիայից առաջացող վարակների կանխարգելում, սիբիրախտի թոքային ձև։ Ցիպրոֆլօքսացինը կարող է օգտագործվել արյան մեջ սպիտակ գնդիկների ցածր քանակ (նեյտրոպենիա) ունեցող հիվանդների կողմից, որոնք ունեն տենդ՝ ենթադրաբար, բակտերիալ վարակի պատճառով։ Եթե Դուք ունեք ծանր վարակ կամ վարակ, որը հարուցվել է մի քանի տեսակի մանրէներով, ապա հնարավոր է, որ բացի Զինդոլինից Դուք ստանաք նաև լրացուցիչ բուժում այլ հակաբիոտիկներով։ Երեխաներ և դեռահասներ Զինդոլինն օգտագործվում է երեխաների և դեռահասների շրջանում՝ բժշկի հսկողությամբ՝ հետևյալ բակտերիալ վարակների բուժման համար. թոքերի և բրոնխների վարակներ՝ բշտիկային ֆիբրոզով տառապող երեխաների և դեռահասների շրջանում: միզուղիների բարդ վարակներ՝ ներառյալ երիկամներին հասած վարակները (պիելոնեֆրիտ): սիբիրախտի թոքային ձև։ Զինդոլինը կարող է օգտագործվել նաև երեխաների և դեռահասների մոտ որոշ այլ ծանր վարակների բուժման համար, եթե բժիշկը համարում է դա անհրաժեշտ: այլ դեղամիջոցներ, որոնք կարող են փոխել ձեր սրտի ռիթմը՝ հակաառիթմային խմբի դեղամիջոցներ (օրինակ, խինինդին, հիդրոխինիդին, դիզոպիրամիդ, ամիոդարոն, սոտալոլ, դոֆետիլիդ, իբուտիլիդ), եռացիկլիկ հակադեպրեսանտներ, որոշ հակամանրէային դեղամիջոցներ (որոնք պատկանում են մակրոլիդների խմբին), որոշ հոգեմետ դեղամիջոցներ։

Մի՛ ընդունեք Զինդոլինը, եթե. Դուք ունեք ալերգիա ազդող նյութի, այլ քինոլոնների կամ տվյալ դեղամիջոցի ցանկացած այլ բաղադրիչի նկատմամբ (թվարկված են բաժին 6-ում)։ Դուք ընդունում եք տիզանիդին

Ինչպես և բոլոր դեղամիջոցները, այս դեղամիջոցը որոշ դեպքերում կարող է առաջացնել կողմնակի երևույթներ։ Հաճախ՝ կարող են ի հայտ գալ 10 հիվանդից 1-ի մոտ սրտխառնոց, փորլուծություն, հոդացավեր երեխաների մոտ: Երբեմն՝ կարող են ի հայտ գալ 100 հիվանդից 1-ի մոտ սնկային գերվարակներ, էոզինոֆիլների (արյան սպիտակ գնդիկների տեսակ) բարձր խտություն, ախորժակի նվազում, գերակտիվություն կամ աժիտիցիա (գրգռվածություն), գլխացավ, գլխապտույտ, քնի հետ կապված խնդիրներ կամ համի խանգարումներ, փսխում, որովայնային ցավեր, մարսողական խնդիրներ, ինչպիսիք են ստամոքսի խանգարումը (անմարսություն/այրոց) կամ փորափքանքը, արյան մեջ որոշակի նյութերի քանակի ավելացում (տրանսամինազներ և/կամ բիլիռուբին), ցան, քոր կամ եղջացան, հոդացավեր մեծահասակների մոտ, երիկամների ֆունկցիայի խանգարում, մկանների և ոսկրերի ցավ, թուլություն (ասթենիա) կամ տենդ, արյան մեջ հիմնային ֆոսֆատազի (արյան ֆերմենտ) մակարդակի բարձրացում։ Հազվադեպ՝ կարող են ի հայտ գալ 1,000 հիվանդից 1-ի մոտ հակաբիոտիկների օգտագործման հետ կապված աղիքի բորբոքում (կոլիտ) (շատ հազվադեպ դեպքերում կարող է լինել մահացու ելքով); արյան կազմի փոփոխություններ (լեյկոպենիա, լեյկոցիտոզ, նեյտրոպենիա, անեմիա), արյան մակարդման գործոնի (թրոմբոցիտների) քանակի ավելացում կամ նվազում; ալերգիկ ռեակցիա, այտուց (oedema), կամ մաշկի և լորձաթաղանթների արագ զարգացող այտուց (անգիոնևրոտիկ այտուց); արյան մեջ շաքարի պարունակության ավելացում (հիպերգլիկեմիա); արյան մեջ շաքարի պարունակության նվազում (հիպոգլիկեմիա) (տե՛ս բաժին 2 «Նախազգուշացումներ և նախազգուշական միջոցներ»); գիտակցության խառնաշփոթություն, ապակողմնորոշում, տագնապի ռեակցիաներ, տարօրինակ երազներ, ընկճախտ (որը կարող է հանգեցնել ինքնասպանության մտքերի, ինքնասպանության փորձերի կամ ինքնասպանության) կամ ցնորք; ծակծկոցի զգացողություն վերջույթներում, անսովոր զգայունություն զգայական խթանների նկատմամբ, մաշկի զգայունության նվազում, դող, ցնցումներ (տե՛ս բաժին 2 «Նախազգուշացումներ և նախազգուշական միջոցներ») կամ գլխապտույտ; տեսողության խնդիրներ, ներառյալ՝ երկտեսությունը; աղմուկ ականջներում, լսողության կորուստ, լսողության խանգարումներ; արագ սրտխփոց (տախիկարդիա); արյունատար անոթների լայնացում, ցածր զարկերակային ճնշում կամ ուշաթափություն; հևոց, ներառյալ՝ ասթմատիկ ախտանիշները; լյարդի ֆունկցիայի խանգարումներ, դեղնախտ (լեղականգային դեղնախտ) կամ հեպատիտ; լույսի նկատմամբ զգայունություն (տե՛ս բաժին 2 «Նախազգուշացումներ և նախազգուշական միջոցներ»); մկանային ցավ, հոդերի բորբոքում, մկանային լարվածության ավելացում կամ ջղակծկումներ; երիկամային անբավարարություն, արյան հետքեր կամ բյուրեղներ մեզի մեջ, միզուղիների բորբոքում; հեղուկի կուտակում կամ գերքրտնարտադրություն; ամիլազ ֆերմենտի մակարդակի բարձրացում: Շատ հազվադեպ՝ կարող են ի հայտ գալ 10,000 հիվանդից 1-ի մոտ սակավարյունության՝ արյան կարմիր գնդիկների քանակի նվազման, որոշակի տեսակ (հեմոլիտիկ անեմիա); որոշ տեսակի արյան սպիտակ գնդիկների քանակի վտանգավոր նվազում (ագրանուլոցիտոզ); արյան կարմիր և սպիտակ գնդիկների և թրոմբոցիտների քանակի նվազում (պանցիտոպենիա), որը կարող է մահացու լինել, ինչպես նաև ոսկրածուծի ընկճումը, որը նույնպես կարող է մահացու լինել,; ծանր ալերգիկ ռեակցիա (անաֆիլակտիկ ռեակցիա կամ անաֆիլակտիկ շոկ, որը կարող է մահացու շիճուկային հիվանդության հանգեցնել); հոգեկան խանգարումներ (հոգեախտային ռեակցիաներ, որոնք կարող են հանգեցնել ինքնասպանության մտքերի, ինքնասպանություն փորձերի կամ ինքնասպանության); միգրեն, կոորդինացիայի խանգարում, անկայուն քայլվածք (քայլվածքի խանգարում), հոտառության խանգարումներ, ներգանգային ճնշում և գլխուղեղի կեղծ ուռուցք; գույների տեսողական խեղաթյուրում; արյունատար անոթների պատի բորբոքում (վասկուլիտ); ենթաստամոքսային գեղձի բորբոքում (պանկրեատիտ); շատ հազվադեպ դեպքերում՝ լյարդի բջիջների մահը (լյարդի նեկրոզը) հանգեցնում է կյանքին սպառնացող լյարդի ֆունկցիայի խանգարման; մաշկի տակ մանր կետային, արյունազեղումներ (պետիքիա); տարբեր տեսակի մաշկային ցան կամ բշտիկավորում (օրինակ՝ մահացու ռեակցիա հանդիսացող Ստիվենս-Ջոնսոնի համախտանիշ կամ թունավոր վերնամաշկային նեկրոլիզ); մկանային թուլություն, ջլերի բորբոքում, ջլերի պատռվածքներ, հատկապես՝ վեգոսկրի հետևում գտնվող մեծ ջլի (աքիլեսյան ջլի) պատռվածք;  մկանաթուլության (myasthenia gravis) ախտանիշների խորացում Անհայտ` առկա տվյալների հիման վրա հաճախականությունը գնահատման ենթակա չէ նյարդային համակարգի հետ կապված խնդիրներ, ինչպիսիք են՝ ցավը, այրվելու զգացումը, ծակծկոցի զգացումը, թմրությունը և/կամ թուլությունը վերջույթներում (ծայրամասային նեյրոպաթիա և պոլինեյրոպաթիա); նորմայից ավելի արագ սրտի ռիթմ, կյանքին սպառնացող անկանոն սրտի ռիթմ, սրտի ռիթմի շեղում (որը կոչվում է սրտի էլեկտրական ակտիվության երկարացված QT միջակայք և դիտվում է ԷՍԳ-ում); բշտիկավոր ցան; արյան մակարդման փոփոխություններ (K վիտամինի հակազդիչներով բուժվող հիվանդների մոտ); ցնծության զգացողություն (մանիա) կամ խիստ լավատեսության զգացողություն և գերակտիվություն (հիպոմանիա); DRESS կոչվող գերզգայունության ռեակցիաներ (էոզինոֆիլիայով և համակարգային ախտանշաններով ուղեկցվող ռեակցիաներ դեղերի նկատմամբ): Հաղորդումներ կողմնակի ազդեցության մասի Որևէ կողմնակի երևույթի առաջացման դեպքում հայտնե՛ք դրա մասին Ձեր բժշկին կամ դեղատան աշխատակցին։ Դա վերաբերում է հնարավոր ցանկացած կողմնակի ազդեցությանը որը նկարագրված չէ այս ներդիր-թերթիկում։ Դուք կարող եք հայտնել կողմնակի ազդեցության մասին անմիջապես ազգային հաշվետվական համակարգի միջոցով։ Հայտնելով կողմնակի ազդեցության մասին՝ Դուք կարող եք օգնել ավելի շատ տեղեկություններ հավաքել տվյա դեղամիջոցի անվտանգության մասին։

Հայտնե՛ք Ձեր բժշկին կամ դեղատան աշխատակցին, եթե Դուք ընդունում եք կամ վերջերս ընդունել եք ցանկացած այլ դեղամիջոցներ։ Մի՛ ընդունեք Զինդոլինը տիզանիդինի հետ միաժամանակ, քանի որ կարող են դիտվել այնպիսի կողմնակի երևույթներ, ինչպիսիք են՝ ցածր զարկերակային ճնշումը և քնկոտությունը։ Հայտնի է, որ ստորև նշված դեղամիջոցները կարող են փոխազդել Զինդոլինի հետ օրգանիզմում։ Զինդոլինի և այդ դեղամիջոցների զուգահեռ ընդունումը կարող է ազդել դրանց բուժական արդյունավետության վրա։ Դա կարող է նաև մեծացնել կողմնակի ազդեցությունների առաջացման հավանականությունը։ Հայտնե՛ք Ձեր բժշկին, եթե Դուք ընդունում եք. K վիտամինի հակազդիչներ (օրինակ` վարֆարին, ացենոկումարոլ, ֆենպրոկումոն կամ ֆլուինդիոն) կամ այլ ներքին ընդունման հակամակարդիչներ (արյունը նոսրացնելու համար), պրոբենեցիդ (հոդատապի համար), մեթոտրեքսատ (քաղցկեղի որոշակի տեսակների, պսորիազի, ռևմատիզմանման արթրիտի համար), թեոֆիլին (շնչառական խնդիրների համար), տիզանիդին (տարածուն կարծրախտի ժամանակ մկանակծկանքի համար), օլանզապին (հոգեմետ դեղամիջոց), կլոզապին (հոգեմետ դեղամիջոց), ռոպինիրոլ (Պարկինսոնի հիվանդության համար), ֆենիտոին (էպիլեպսիայի համար), մետոկլոպրամիդ (սրտխառնոցի և փսխումների համար), ցիկլոսպորին (մաշկային հիվանդությունների, ռևմատիզմանման արթրիտի համար և օրգանների փոխպատվաստման դեպքում), այլ դեղամիջոցներ, որոնք կարող են փոխել ձեր սրտի ռիթմը՝ հակաառիթմային խմբի դեղամիջոցներ (օրինակ, խինինդին, հիդրոխինիդին, դիզոպիրամիդ, ամիոդարոն, սոտալոլ, դոֆետիլիդ, իբուտիլիդ), եռացիկլիկ հակադեպրեսանտներ, որոշ հակամանրէային դեղամիջոցներ (որոնք պատկանում են մակրոլիդների խմբին), որոշ հոգեմետ դեղամիջոցներ։ Զինդոլինը կարող է բարձրացնել հետևյալ դեղամիջոցների մակարդակը արյան մեջ. պենտօքսիֆիլին (արյան շրջանառության խանգարումների համար), կոֆեին, դուլօքսետին (ընկճախտի, շաքարախտի ժամանակ առաջացող նյարդերի ախտահարման կամ անմիզապահության համար), լիդոկաին (սրտի խնդիրների կամ ցավազրկման համար), սիլդենաֆիլ (օրինակ՝ էրեկցիայի ֆունկցիոնալ խանգարման համար), ագոմելատին զոլպիդեմ Որոշ դեղամիջոցներ թուլացնում են Զինդոլինի ազդեցությունը։ Հայտնե՛ք Ձեր բժշկին, եթե Դուք ընդունում եք կամ պետք է ընդունեք. անտացիդներ, օմեպրազոլ, հանքանյութային հավելումներ, սուկրալֆատ, պոլիմերային ֆոսֆատային կապող միացություններ (օրինակ, սևելամեր կամ լանթանի կարբոնատ), կալցիում, մագնեզիում, ալյումին կամ երկաթ պարունակող դեղամիջոցներ կամ հավելումներ: Եթե այս միջոցների ընդունումը խիստ անհրաժեշտ է, ապա ընդունե՛ք Զինդոլինը դրանց ընդունումից մոտ երկու ժամ առաջ կամ ոչ շուտ, քան չորս ժամ հետո։

Եթե Դուք ընդունել եք ավելի շատ Զինդոլին, քան պետք է Եթե Դուք ընդունել եք բժշկի կողմից նշանակված դեղաչափից ավելի շատ, անմիջապես դիմե՛ք բժշկական օգնության։ Մի՛ մոռացեք Ձեզ հետ վերցնել դեղահատերը կամ դեղամիջոցի փաթեթը և ցույց տալ այն բժշկին։

Այս դեղամիջոցը հարկավոր է ընդունել Ձեր բժշկի կամ դեղատան աշխատակցի ցուցումներին խիստ համապատասխան։ Եթե Դուք համոզված չեք, ապա խորհրդակցե՛ք Ձեր բժշկի կամ դեղատան աշխատակցի հետ։ Ձեր բժիշկը կբացատրի Ձեզ, թե որքան Զինդոլին Դուք պետք է ընդունեք, ինչպես նաև որքան հաճախ և որքան ժամանակ է պետք այն օգտագործել: Դա կախված կլինի վարակի տեսակից և ծանրությունից: Զգուշացրե՛ք բժշկին, եթե Դուք ունեք երիկամների հիվանդություններ, քանի որ կարող է Ձեր դեղաչափերը ճշգրտելու անհրաժեշտություն առաջանալ։ Սովորաբար բուժումը տևում է 5-ից 21 օր, սակայն այն կարող է ավելի երկարատև լինել՝ ծանր վարակների դեպքում։ Միշտ ընդունե՛ք այս դեղամիջոցը Ձեր բժշկի ցուցումներին խիստ համապատասխան։ Եթե Դուք համոզված չեք, թե որքան դեղահատ պետք է ընդունել և ինչպես պետք է օգտագործել Զինդոլինը, ապա հարցրե՛ք Ձեր բժշկին կամ դեղատան աշխատակցին։ դեղահատերը կուլ տվեք ամբողջությամբ՝ խմելով բավարար քանակի հեղուկ։ Մի՛ ծամեք դեղահատերը, քանի որ դրանք ունեն տհաճ համ։ աշխատե՛ք ընդունել դեղահատերը յուրաքանչյուր օր մոտավորապես միևնույն ժամին։ Դուք կարող եք ընդունել դեղահատերը անկախ սննդի ընդունումից։ Չնայած որ, կալցիումի քանակները, որոնք Դուք ստանում եք սննդի հետ, լրջորեն չեն ազդում ներծծման վրա, մի՛ ընդունեք Զինդոլին դեղահատերը այնպիսի կաթնամթերքի հետ, ինչպիսիք են կաթը, յոգուրտը կամ հարստացված մրգահյութերը (օրինակ՝ կալցիումով հարստացված նարնջի հյութ)։ Մի՛ մոռացեք խմել մեծ քանակի հեղուկ այս դեղամիջոցը ընդունելու ընթացքում։ Եթե Դուք դժվարանում եք դեղահատերը կուլ տալ ամբողջությամբ, ապա բաժանարար գիծը կօգնի Ձեզ կիսել դեղահատը

Պահպանել երեխաների համար անհասանելի վայրում։ Մի՛ օգտագործեք տվյալ դեղամիջոցը բլիստերի կամ ստվարաթղթե տուփի վրա նշված պիտանիության ժամկետը լրանալուց հետո։ Պիտանիության ժամկետը վերաբերում է նշված ամսվա վերջին օրվան։ Տվյալ դեղամիջոցը չի պահանջում պահպանման հատուկ պայմաններ