Պատասխանատվություն

1. Ինչ է Degh.am-ը

Degh.am-ը տեղեկատվական հարթակ է։ Մենք Հայաստանում գործող դեղատներից հավաքում ենք դեղերի գները և հնարավորություն ենք տալիս դրանք համեմատել մեկ էջում։

Degh.am-ը դեղատուն չէ։ Մենք դեղ չենք վաճառում, պատվեր չենք ընդունում, առաքում չենք կազմակերպում և օգտատիրոջից դեղի դիմաց վճար չենք ընդունում։ Կայքում երևացող գինը դեղատան առաջարկն է, այն Degh.am-ի վաճառքի գինը ՉԷ։

2. Սա բժշկական խորհրդատվություն չէ

Կայքում տեղադրված ցանկացած տեղեկություն, ներառյալ դեղի անվանումը, ազդող նյութը, դեղաչափը, արտադրողը և գինը, նախատեսված է բացառապես տեղեկատվական նպատալով կիրառելու համար։

Այդ տեղեկությունը չի փոխարինում բժշկի խորհրադատվությունը, ախտորոշմանը, նշանակմանը կամ դեղագործի խորհրդին։ Մի՛ սկսեք, մի՛ դադարեցրեք և մի՛ փոխեք դեղի օգտագործումը՝ այս կայքում ներկայացված տեղեկատվության հիման վրա։

Ցանկացած դեղ օգտագործելուց առաջ խորհրդակցեք բժշկի կամ դեղագործի հետ և կարդացեք դեղի նկարագրություն-հրահանգը։

3. Դեղատոմսով դեղեր

Եթե դեղը Հայաստանի Հանրապետության օրենսդրությամբ բաց է թողնվում դեղատոմսով, դեղատունը այն կարող է տրամադրել միայն օրենքով սահմանված կարգով։ Degh.am-ը դեղատոմս չի գրում, չի ընդունում և չի շրջանցում դեղատոմսային բացթողման կանոնները։

4. Գներ և առկայություն

Գները և առկայության տվյալները տրամադրում են դեղատները, մենք ստանում ենք դրանք դեղատների պաշտոնական հրապարակային էջերից։ Տվյալները կարող են թարմացվել ուշացումով, պարունակել սխալ կամ ձեր այցի պահին չհամընկնել դեղատան փաստացի գնին։

Գնելուց կամ դեղատուն գնալուց առաջ պարտադիր ճշտեք՝

• դեղի ճշգրիտ անվանումը, դեղաչափը, ձևը և տուփում դեղահաբերի քանակը,
• արտադրողին և երկիրը,
• գինը, առկայությունը և պիտանելիության ժամկետը,
• բացթողման պայմանը՝ դեղատոմսով է, թե առանց դեղատոմսի։

Եթե կայքի և դեղատան տվյալները տարբերվում են, գործում է դեղատան տվյալը։

5. Խնայողության մասին

Կայքում նշված «մինչև 80% խնայողություն» արտահայտությունը նշանակում է, որ համեմատվող առաջարկների մեջ երբեմն հանդիպում է այդ չափի տարբերություն։ Դա ձեր կոնկրետ գնման երաշխիք չէ։ Մենք չենք խոստանում, որ գտնված գինը տվյալ պահին Հայաստանում ամենացածրն է, և չենք փոխհատուցում գների տարբերությունը։

6. Գնումը կնքվում է դեղատան հետ

Եթե դուք գնում եք դեղը, պայմանագիրը կնքվում է ձեր և դեղատան միջև։ Որակը, իսկությունը, պիտանելիության ժամկետը, վճարումը, առաքումը, վերադարձը և սպասարկումը դեղատան պատասխանատվությունն են։ Degh.am-ը այդ գործարքի կողմ չէ։

7. Ապրանքային նշաններ

Դեղերի, արտադրողների և դեղատների անվանումներն ու լոգոները պատկանում են իրենց իրավատերերին։ Դրանց հիշատակումը կայքում չի նշանակում համագործակցություն, հովանավորություն կամ բուժական երաշխիք։

8. Պատասխանատվության սահմանափակում

Կայքը տրամադրվում է «ինչպես կա» և «ինչպես հասանելի է» սկզբունքով։ Մենք չենք երաշխավորում տվյալների ամբողջականությունը, ճշգրտությունը, հասանելիությունը կամ որևէ դեղի պիտանելիությունը կոնկրետ անձի համար։

Degh.am-ը պատասխանատվություն չի կրում այն վնասի համար, որը կարող է առաջանալ ոչ արդիական գնից, բացակա ապրանքից, դեղատան գործողությունից կամ այն որոշումից, որ դուք կայացրել եք կայքի տեղեկության հիման վրա։

9. Սխալի մասին հայտնել

Եթե տեսնում եք ակնհայտ սխալ գին կամ սխալ դեղ, գրեք՝ info@degh.am։ Մենք կստուգենք և անհրաժեշտության դեպքում կուղղենք տվյալը։