Ինչպե՞ս է աշխատում Degh.am-ը
Դեղորայք գտնելն ու լավագույն գինն ընտրելը երբեք այսքան հեշտ չի եղել: Degh.am հարթակը նախագծված է այնպես, որ խնայի Ձեր ժամանակը, նյարդերն ու գումարը: Մենք բարդ տեխնոլոգիաները վերածել ենք պարզ գործիքի։ Մեր հարթակից օգտվելու համար անհրաժեշտ է անել ընդամենը 3 պարզ քայլ.
Խելացի որոնում
Մուտքագրեք որոնման դաշտում Ձեզ անհրաժեշտ դեղի կամ ազդող նյութի անվանումը: Մեր որոնողական ալգորիթմն այնքան խելացի է, որ կհասկանա Ձեզ նույնիսկ այն դեպքում, եթե տառասխալ եք թույլ տվել կամ հստակ չեք հիշում դեղի բարդ բժշկական անվանումը:
Գների և տեսականու համեմատություն
Համակարգը վայրկյանների ընթացքում ցույց կտա, թե մեր հարթակում ներկայացված որ դեղատներում է առկա Ձեր փնտրած պրոդուկտը: Դուք հնարավորություն ունեք մեկ էջում տեսնել տարբեր առաջարկներ, համեմատել գներն ու գտնել Ձեզ համար ամենաշահավետ կամ ամենահարմար տարբերակը: Մենք ոչինչ չենք պարտադրում, մենք տալիս ենք ընտրության լիակատար ազատություն:
Կապ դեղատան հետ
Գտա՞ք Ձեզ հարմար առաջարկը: Պարզապես սեղմեք դրա վրա, և կտեղափոխվեք մեր կայքում տվյալ դեղատանն անհատկացված էջ: Այստեղ հավաքված են դեղատան բոլոր կոնտակտային տվյալները՝ հասցեն, հեռախոսահամարները, ինչպես նաև հղում դեպի դեղատան պաշտոնական կայք (առկայության դեպքում)։ Դուք կարող եք կապ հաստատել դեղատան հետ, ճշտել մանրամասները և անցնել գնումների:
Ինչ է պետք իմանալ տվյալների թարմացման մասին
Degh.am-ը միշտ ձգտում է ապահովել առավելագույն ճշգրտություն:
Ակտուալություն
Դեղերի առկայության և գների տվյալների բազան համակարգում թարմացվում է ամիսը մեկ անգամ: Սակայն մեր թիմը մշտապես հետևում է դեղագործական շուկայի նորություններին, գնային տատանումներին և դեղատների կողմից տրամադրվող ինֆորմացիային՝ անհրաժեշտության դեպքում ավելի հաճախակի թարմացումներ իրականացնելու համար:
Զարգացում
Մենք անընդհատ ընդլայնում ենք հարթակը։ Քանի որ մեր գործընկեր դեղատների ցանցը գնալով մեծանում է, ապագայում մենք կավելացնենք նոր գործիքներ և ֆիլտրեր, որպեսզի որոնումը դառնա է՛լ ավելի անհատականացված ու հարմարավետ:
Degh.am. Ընտրի՛ր գիտակցված, գնի՛ր շահավետ: