Լա-Սոն

Լա-Սոն պատկանում է հակահիստամինային դեղամիջոցների խմբին (օգտագործվում է ալերգիկ ռեակցիաների բուժման համար):  Մեծահասակների և երեխաների մոտ օգտագործվում է եղինջացանի (ուրտիկարիա) և դերմատիտի (էկզեմա) պատճառած քորը նվազեցնելու համար:

Ակտիվ նյութ՝ հիդրօքսիզինի հիդրոքլորիդ – 25.0 մգ; Այլ բաղադրիչներ՝ միջուկ — միկրոբյուրեղային ցելյուլոզա, լակտոզա մոնոհիդրատ, կալցիումի հիդրոֆոսֆատ, նատրիումի օսլայի գլիկոլատ, պովիդոն, մագնեզիումի ստեարատ, աերոսիլ; թաղանթ – հիպրոմելոզա, տիտանի դիօքսիդ, պրոպիլենգլիկոլ, մաքրված տալկ։

Լա-Սոն պատկանում է հակահիստամինային դեղամիջոցների խմբին (օգտագործվում է ալերգիկ ռեակցիաների բուժման համար):  Մեծահասակների և երեխաների մոտ օգտագործվում է քորի նվազեցման համար, առաջացած եղինջով (ուրտիկարիա) և դերմատիտով (էկզեմա):  Լա-Սոն նաև օգտագործվում է մեծահասակների մոտ անհանգստության վիճակի բուժման համար:

Եթե Դուք ալերգիա (գերզգայունություն) ունեք հիդրօքսիզին հիդրոքլորիդի, ցետիրիզինի, պիպերազինի այլ ածանցյալների, ամինոֆիլինի կամ էթիլենդիամինի, կամ Լա-Սոնի ցանկացած բաղադրիչների նկատմամբ, որոնք թվարկված են «Լրացուցիչ տեղեկություններ» ենթաբաժնում։ Եթե Ձեր ԷՍԳ-ում (էլեկտրասրտագրություն) արձանագրվում է սրտի ռիթմի խնդիր, որը հայտնի է որպես «QT ինտերվալի երկարացում»։ Եթե Դուք ունեք կամ ունեցել եք սրտանոթային հիվանդություններ կամ Ձեր սրտի ռիթմի հաճախականությունը շատ դանդաղ է։ Եթե Ձեր օրգանիզմում որոշ միկրոտարրերի մակարդակը ցածր է (օրինակ՝ կալիումի կամ մագնեզիումի մակարդակը)։ Եթե Դուք ընդունում եք դեղամիջոցներ սրտի ռիթմի խանգարումների բուժման համար կամ դեղամիջոցներ, որոնք կարող են առաջացնել սրտի ռիթմի խանգարման որոշակի տեսակ։ Եթե ընտանեկան պատմության մեջ առկա են մերձավոր ազգականների հանկարծակի մահվան դեպքեր սրտային պաթոլոգիաների պատճառով։ Եթե Դուք ունեք բրոնխիալ ասթմա և անցյալում ունեցել եք արտահայտված ռեակցիա հակահիստամինային դեղամիջոցների նկատմամբ։ Եթե Դուք ունեք պորֆիրիա (հեմոգլոբինի կենսասինթեզի խանգարման հետ կապված հիվանդություն, որը առաջացնում է որովայնի ցավեր, փորկապություն, մեզի գույնի փոփոխություն, մաշկային ցաներ և վարքի խանգարումներ)։ Եթե Դուք հղի եք, փորձում եք հղիանալ կամ կրծքով կերակրում եք։ Լա-Սոնը պարունակում է լակտոզա։ Եթե Դուք ունեք որոշ շաքարների անհանդուրժողականություն, խորհրդակցեք Ձեր բժշկի հետ այս դեղամիջոցի օգտագործումից առաջ։ Եթե Դուք ունեք ժառանգական գալակտոզայի անհանդուրժողականություն, Lapp-ի բնածին լակտազային անբավարարություն կամ գլյուկոզո-գալակտոզային մալաբսորբցիա, Դուք չպետք է ընդունեք այս դեղամիջոցը։

Մի անհանգստացեք։ Ինչպես բոլոր դեղամիջոցները, Լա-Սոն-ը կարող է առաջացնել կողմնակի ազդեցություններ, սակայն դրանք առաջանում են ոչ յուրաքանչյուր հիվանդի մոտ։ Որոշ մարդկանց մոտ Լա-Սոն-ը կարող է առաջացնել հետևյալ կողմնակի ազդեցությունները՝ Եթե Դուք նկատել եք որևէ հետևյալ կողմնակի ազդեցություններից մեկը Լա-Սոն դեղամիջոցի օգտագործումից հետո, դադարեցրեք դեղամիջոցի ընդունումը և անհապաղ դիմեք բժշկական օգնության՝ Ծանր ալերգիկ ռեակցիայի ախտանիշներ, ինչպիսիք են՝ Դեմքի, լեզվի կամ կոկորդի այտուց, Կուլ տալու դժվարություններ, Եղինջ և շնչառության դժվարություններ; Լուրջ ռեակցիաներ, որոնք կարող են ներառել պղպջակների առաջացում մաշկի, աչքերի, բերանի և սեռական օրգանների վրա; Տրեմոր (դող) կամ ցնցումներ (նոպաներ); Եթե Ձեզ մոտ առաջացել են սրտի ռիթմի հետ կապված խնդիրներ, ինչպիսիք են արագացած սրտխփոցը, շնչառության դժվարացումը կամ գիտակցության կորուստը։ Այլ հնարավոր կողմնակի ազդեցությունները ներառում են՝ Քնկոտություն, սեդատիվ ազդեցություն, կոմա, անհասկանալի խոսք, մտածողական գործընթացների և շարժումների դանդաղեցում, ակամա շարժումներ, գլխապտույտ, թուլություն, գլխացավ, Կենտրոնանալու անկարողություն, քնի խանգարումներ, դառը համ բերանում; Գիտակցության խառնաշփոթություն, հալյուցինացիաներ, ապակողմնորոշում, տրամադրության անսովոր փոփոխություններ; Արյունալցված աչքեր, մշուշոտ տեսողություն և կենտրոնացման դժվարություններ; Արագ կամ արտահայտված սրտխփոց; Զարկերակային ճնշման իջեցում, տաքացումներ; Չորություն քթում, բերանում կամ կոկորդում, սուլոցով շնչառություն; Լյարդի հետ կապված խնդիրներ (ախտանիշները ներառում են դեղնախտ); Միզարձակման դժվարություն կամ ցավ, մեզի մեջ արյուն; Հոգնածություն, ընդհանուր վատառողջություն, ջերմություն, սարսուռ, մկանային ցավ, կրծքավանդակի սեղմվածության զգացում, հոդացավ; Պորֆիրիա (հազվադեպ հիվանդություն, որը ազդում է նյութափոխանակության վրա), անորեքսիա; Արյան հիվանդություններ; Մաշկային ցան, այտուց, քոր, եղինջ, էկզեմա, քրտնարտադրության բարձրացում, մազաթափություն, ծակծկոց, մաշկի թմրություն, մաշկի թարախային վերքեր; Սեռական անդամի երկարատև էրեկցիա, իմպոտենցիա, վաղաժամ դաշտան; Լսողության, հավասարակշռության կամ կոորդինացիայի հետ կապված խնդիրներ; Մարսողական համակարգի կամ ստամոքսի հետ կապված խնդիրներ, սրտխառնոց կամ փսխում, փորլուծություն, փորկապություն։

Խնդրում ենք տեղեկացրեք ձեր բժշկին կամ դեղագործին, եթե դուք ընդունում եք կամ վերջերս ընդունել եք որևէ այլ դեղամիջոցներ, ներառյալ առանց դեղատոմսի վաճառվող դեղամիջոցները: Լա-Սոն-ի թերապևտիկ ազդեցության վրա կարող են ազդել այլ դեղամիջոցներ, ինչպես նաև Լա-Սոն-ը կարող է ազդել այլ դեղամիջոցների արդյունավետության վրա: Մի ընդունեք Լա-Սոն, եթե դուք օգտագործում եք դեղամիջոցներ հետևյալի բուժման համար՝ Բակտերիալ վարակների (օրինակ՝ հակաբիոտիկներ էրիթրոմիցին, մոքսիֆլոքսացին, լևոֆլոքսացին); Սնկային վարակների (օրինակ՝ պենտամիդին); Սրտի խնդիրների կամ բարձրացած զարկերակային ճնշման (օրինակ՝ ամիոդարոն, քինիդին, դիզոպիրամիդ, սոտալոլ); Հոգեվիճակների (օրինակ՝ հալոպերիդոլ); Դեպրեսիայի (օրինակ՝ ցիտալոպրամ, էսցիտալոպրամ); Ստամոքս-աղիքային տրակտի խանգարումների (օրինակ՝ պրուկալոպրիդ); Ալերգիայի; Մալարիայի (օրինակ՝ մեֆլոքին); Ուռուցքաբանական հիվանդությունների (օրինակ՝ տորեմիֆեն, վանդետանիբ); Նարկոտիկ կախվածության կամ ուժեղ ցավի (օրինակ՝ մետադոն): Կարևոր է տեղեկացնել ձեր բժշկին, եթե դուք ընդունում եք հետևյալ դեղամիջոցներից որևէ մեկը՝ Ադրենալին կամ էպինեֆրին; Բարբիթուրատներ (քնի խանգարումների և էպիլեպսիայի համար); Ցիմետիդին (ստամոքսի խոցի և այրոցի համար); Հակաէմետիկներ (փսխման և սրտխառնոցի դեմ դեղամիջոցներ); Բետահիստին (օգտագործվում է Մենիերի սինդրոմի բուժման համար); Անզգայացուցիչներ; Մկանաթուլացնողներ; Օպիոիդներ (ուժեղ ցավի թեթևացման դեղամիջոցներ), հակախոլիներգիկ դեղամիջոցներ, դրանք ներառում են որոշ դեղամիջոցներ, որոնք օգտագործվում են գրգռված հաստ աղիքի սինդրոմի համար, և դեղամիջոցներ, որոնք օգտագործվում են ասթմայի կամ միզուղիների անմիզապահության բուժման համար; Ամինոֆիլին (շնչառության խնդիրների համար); Բենզիլպենիցիլինի աղեր և քլորամֆենիկոլ նատրիումի սուկցինատ (հակաբիոտիկներ); Դոքսորուբիցինի հիդրոքլորիդ (քիմիաթերապիայի դեղամիջոց); Հակադեպրեսանտներ, ներառյալ մոնոամինօքսիդազի ինհիբիտորները (ԻՄԱՕ) (օրինակ՝ իզոկարբոքսազիդ կամ մոկլոբեմիդ), և տրիցիկլիկ հակադեպրեսանտներ (օրինակ՝ ամիտրիպտիլին), անհանգստության բուժման դեղամիջոցներ; Դեղամիջոցներ, որոնք օգնում են ձեզ քնել; Բենզոդիազեպիններ; Հակախոլինէսթերազային դեղամիջոցներ (օրինակ՝ էդրոֆոնիում և նեոստիգմին); Հակամուսկարինային դեղամիջոցներ (օրինակ՝ ատրոպին); Հակաէպիլեպտիկ միջոցներ; Այլ հակահիստամիններ: Օգտագործումը սննդի և խմիչքների հետ Դուք չեք կարող օգտագործել ալկոհոլը Լա-Սոն դեղամիջոցի հետ միասին, քանի որ ալկոհոլի սեդատիվ ազդեցությունը կարող է ուժեղացվել:

Եթե Դուք ընդունել եք ավելի շատ հաբեր, քան Ձեզ խորհուրդ էր տրվել: Եթե Դուք ընդունել եք շատ հաբեր միաժամանակ կամ կարծում եք, որ երեխան կուլ է տվել մի քանի հաբեր, անհրաժեշտ է անհապաղ դիմել մոտակա շտապ բժշկական օգնության բաժանմունք կամ հայտնել այդ մասին Ձեր բժշկին: Չափից մեծ դոզայի դեպքում կարող է կիրառվել սիմպտոմատիկ բուժում: Անհրաժեշտ է անել ԷԿԳ մոնիթորինգ, քանի որ կարող են առաջանալ սրտի ռիթմի հետ կապված խնդիրներ, ինչպիսիք են QT ինտերվալի երկարացումը կամ փորոքների թրթռումը: Չափից մեծ դոզայի ախտանիշները կարող են փոխվել և կարող են ներառել՝ Մտածողության դանդաղեցում, անհասկանալի խոսք և անհանգստության զգացումներ, ակամա կամ դանդաղ շարժումներ; Բերանի չորություն, տեսողության հետ կապված խնդիրներ, արագ կամ արտահայտված սրտխփոց, միզարձակման դժվարացում և փորկապություն; Կենտրոնական նյարդային համակարգի ախտահարում, որը կարող է հանգեցնել Ձեր շնչառության և սրտի ռիթմի դանդաղեցմանը, քնկոտության և գիտակցության խանգարման զարգացմանը, կամ Ձեզ մոտ կարող է առաջանալ կենտրոնական նյարդային համակարգի գրգռում, հուզմունքի զգացում, նոպաներ, դող և հալյուցինացիաներ: Լա-Սոն-ը կարող է առաջացնել արտահայտված սեդատիվ էֆեկտ, որը պահանջում է թերապևտիկ միջամտություն: Եթե Դուք ընդունել եք որևէ այլ դեղամիջոցներ կամ նյութեր միաժամանակ Լա-Սոն դեղամիջոցի հետ, հայտնեք այդ մասին բժշկական անձնակազմին, որը կատարում է չափից մեծ դոզայի բուժումը: Եթե Դուք մոռացել եք ընդունել Լա-Սոն-ը: Եթե Դուք ժամանակին մոռացել եք ընդունել դոզան, հնարավորինս շուտ ընդունեք բաց թողնվածը, եթե արդեն գրեթե չի մոտեցել հաջորդ դոզայի ընդունման ժամանակը: Մի ընդունեք կրկնակի դոզա: Այնուհետև շարունակեք ընդունումը սովորական ռեժիմով: Եթե Դուք ունեցել եք լրացուցիչ հարցեր դեղամիջոցի օգտագործման վերաբերյալ, դիմեք Ձեր բժշկին կամ դեղագործին:

Միշտ ընդունեք դեղը ճիշտ այնպես, ինչպես ձեր բժիշկն ասել է Ձեզ: Եթե Դուք վստահ չեք, թե ինչպես պետք է ընդունել դեղը, խորհրդակցեք բժշկի կամ դեղագործի հետ: Հետևեք Լա-Սոնի նվազագույն արդյունավետ դոզային և բուժման կուրսը պետք է լինի հնարավորինս կարճ: Առաջարկվող դոզան կազմում է: Մեծահասակների և 40 կգ-ից ավելի քաշ ունեցող երեխաների մոտ առավելագույն օրական դոզան կազմում է 100 մգ/օր բոլոր տեսակի ցուցումների դեպքում: Մեծահասակների մոտ քորի բուժման համար Սկզբնական դոզան կազմում է 25 մգ գիշերը, Ձեր բժիշկը կարող է ավելացնել դոզան մինչև 25 մգ օրական երեք կամ չորս անգամ: Երեխաներ և դեռահասներ Երեխաների մոտ քորի բուժման համար 40 կգ-ից ավելի քաշ ունեցող երեխաների մոտ առավելագույն օրական դոզան կազմում է 2 մգ/կգ/օր: 6 ամսականից մինչև 6 տարեկան երեխաներ Օրական 5 մգ-ից մինչև 15 մգ մի քանի ընդունումներով, բժիշկը կարող է փոխել դոզան՝ կախված երեխայի քաշից:  6 տարեկանից բարձր երեխաներ Օրական 15 մգ-ից մինչև 25 մգ, Ձեր բժիշկը կարող է ավելացնել դոզան օրական 50 մգ-ից մինչև 100 մգ մի քանի ընդունումներով: Բժիշկը կարող է փոխել դոզան՝ կախված երեխայի քաշից: Մեծահասակների մոտ անհանգստության վիճակի բուժման համար Դոզան կազմում է օրական 50 մգ-ից մինչև 100 մգ բաժանված դոզաներով: Լյարդի հիվանդություններով հիվանդների համար Ձեր բժիշկը պետք է նվազեցնի դոզան մոտավորապես մեկ երրորդով, եթե դուք ունեք լյարդի հիվանդություն: Լա-Սոնը խորհուրդ չի տրվում ծանր լյարդի հիվանդություններով կամ լյարդային անբավարարությամբ հիվանդներին: Երիկամների հիվանդություններով հիվանդների համար Ձեր բժիշկը պետք է նվազեցնի դոզան մոտավորապես կիսով չափ, եթե դուք ունեք լյարդի հիվանդություն: Տարեց տարիք Տարեց հիվանդների մոտ առավելագույն օրական դոզան կազմում է 50 մգ/օր:

Չընդունել Լա-Սոն պիտանելիության ժամկետի լրանալուց հետո, որը նշված է դեղամիջոցի փաթեթավորման վրա: Պիտանելիության ժամկետը նշելիս նկատի ունենալ նշված ամսվա վերջին օրը: Պահել երեխաների համար անհասանելի տեղում 250С ջերմաստիճանից ոչ բարձր օրիգինալ փաթեթավորման մեջ: Պիտանելիության ժամկետը — 3 տարի: Չպետք է դեղամիջոցները թափել կեղտաջրերի մեջ կամ կոյուղու մեջ: Հարցրեք դեղագործին, թե ինչպես վարվել դեղամիջոցի հետ: Այս միջոցները ուղղված են շրջակա միջավայրի պաշտպանությանը: